Hammondhátíð

Nú fer senn að líða að Hammondhátíð á Djúpavogi sem er árlegur viðburður þar í bæ og er nú haldin 1-4 maí næstkomandi.

 Í ár eru margar góðar hljómsveitir hluti af dagskránni þar sem hammondið er í aðalhlutverki. Á fimmtudeginum er Blúsbrot Garðars Harðar, föstudeginum Riot, með Jóni Ólafs, Björn Thor, Halldór Braga og fleiri góðir, Stórsveit Samma á laugardeginum, Kristjana Stefáns og fleiri á sunnudeginum. Þetta er veisla þar sem eitt flottasta hljóðfærið að mínu mati, hammond orgelið, er heiðrað.

Ég fór á þessa hátíð í fyrra og skemmti mér konunglega. Var að vísu bara eitt kvöld en ætla að reyna að bæta fyrir það í þetta skiptið. Ástæðan fyrir því er að ég er sjálf með hljómsveitinni minni á fimmtudeginum og dauðlangar að sjá sérstaklega föstudagskvöldið líka. Þetta lofar allt saman góðu.

 Kíkið á upplýsingar á www.djupivogur.is/hammond

 

 

Athugasemdir

[Húsmóðir, 7.5.2008 kl. 23:29]

Takk fyrir frábæra tónleika og frammistöðu á Hammond.    Skemmti mér alveg konunglega.  Meiriháttar  í einu orði sagt.

[Hulda Rós Sigurðardóttir, 9.5.2008 kl. 14:14]

Takk kærlega fyrir það.  Þetta var svo sannarlega skemmtileg hátíð.